
那洛巴大师教言集NARO15ཆོས་དྲུག་སྲས་མཁར་མ།
1-4-1a

༄༅། །ཆོས་དྲུག་སྲས་མཁར་མ།
༄༅། །རྗེ་ན་རོ་དང་མར་པའི་ཐུགས་ཀྱི་ཉིང་ཁུ་ཆོས་དྲུག་རྡོ་རྗེའི་ཚིག་འགྲེལ་ཆེན་མོ་འམ་ཆོས་དྲུག་སྲས་མཁར་མ་ཞེས་བྱ་བ་བཞུགས་སོ། །རྡོ་རྗེ་འཆང་ཆེན་གསང་བའི་བདག །ཏི་ལོ་ན་རོའི་ཞབས་ལ་འདུད། །
བདག་འདྲ་མར་སྟོན་བློ་གྲོས་ཀྱིས། །རྒྱ་དང་བལ་པོ་ཆུ་བཞིན་མྱུགས། །རིན་ཆེན་གསེར་ལ་ལོངས་སྤྱད་དེ། །ཨེ་མ་ངོ་མཚར་རྨད་ཀྱི་ཆོས། །རྒྱུད་ལུང་གདམས་པ་ཀུན་རྫོགས་ཞུས། །ཡང་དྲིལ་སྙིང་གི་
ནོར་བུའི་མཛོད། །སྙན་རྒྱུད་འདམས་སྐོར་བཅོ་ལྔ་འདི། །རྡོ་རྗེ་གདན་ལ་མཆོད་བྱས་རྗེས། །བོད་དུ་ཁ་བལྟས་འོང་འདོད་ཚེ། །མཚན་ལྡན་ཆེན་པོ་ནཱ་རོ་དང་། །བླ་མ་བདེ་ཆེན་རོལ་པ་དང་། །རྗེ་བཙུན་མི་
རུས་བརྒྱན་ཅན་ལ། །གསེར་གྱི་མཎྜལ་སུམ་རྩེག་ལ། །རིན་ཆེན་ལྔའི་འཕྲ་བཀོད་ཕུལ། །གཡུ་དམར་སེང་གེས་སྣ་དྲངས་པའི། །དྲུག་དམར་ཉི་ཤུ་རྩ་གཅིག་དང་། །མུ་ཏིག་ཧབ་རྩེ་བདུན་པོ་
1-4-1b

དང་། །བླ་བ་བཅུ་གསུམ་ཕུལ་ནས་ནི། །གདུང་བས་གསོལ་བཏབ་སྐོར་བ་བྱས། །གདུང་བས་རྒྱལ་བ་སངས་པའི་ཚེ། །ཐུགས་རྒྱུད་འདི་དག་སྣང་སྐབས་ཕྱེ། །རྗེ་བཙུན་ཀུན་གྱི་ཞལ་ནས་ཀྱང་། །
བུ་ཁྱོད་སྙན་རྒྱུད་སྔར་རྫོགས་ཀྱིས། །ལས་ལྡན་བྱུང་ན་ཟུར་ཙམ་སྟོན། །སྙན་རྒྱུད་ཟབ་མོའི་བསྟན་པ་ཡང་། །ཡང་ཚ་དེ་ཚེ་ཡན་ཆད་འབྱུང་། །དེ་རྗེས་མན་ངག་སྙན་པ་ཡིས། །སྒོམ་ཆེན་བསོད་
ནམས་བདུད་དབང་འགྲོ། །སྙན་རྒྱུད་ཚོང་འདུས་འོ་བཞིན་ལྷད། །ཕའི་གཏེར་འཚོང་བོད་ཁམས་གང་། །རྣལ་འབྱོར་སྐྱ་རེའི་ཕྱག་དུ་(ཏུ་)ཡང་། །འདྲ་མན་སྙན་རྒྱུད་བདུན་བདུན་འཆང་། །གཞུང་མང་
རྟེན་ཕྱིར་ཡིད་ཆེས་མེད། །གྲུབ་ཐོབ་ནམ་ལངས་སྐར་སྐྱ་འདྲ། །བསྒོམ་ཆེན་ནོར་འདོད་མི་ནག་བསྡུད། །ཟབ་མོའི་དབང་བཀའ་གསེར་དུ་འཚོང་། །སྙིང་པོ་ཆོས་དྲུག་ཟོང་དུ་འགྲུམས། །དུད་སོལ་ལྷ་
མོ་ལ་སོགས་པའི། །བཀའ་བསྲུངས་མཁའ་འགྲོ་རྣམས་ཀྱང་འཁྲུག །བཀའ་ལ་ར་གཅོད་གང་བྱེད་པའི། །བསྒོམ་ཆེན་རྣམས་ཀྱང་ཚེ་ཐུང་སྟེ། །ཕལ་ཆེར་དྲུག་ཅུའི་ཚིགས་མི་འདའ། །ངའི་
བཀའ་འཆང་ཚད་མའི་དབུས། །འཁོར་ནི་བརྒྱ་ལས་འདས་ས་རི། །བུ་མཆོག་བཅུ་ལས་འདས་ས་རི། །ཅི་ཕྱིར་ཞེ་ན་རང་རང་ཚེས། །རང་གི་སྙིང་པོ་རྙེད་པ་དང་། །གཞན་སྐྱོང་མི་ཚེས་མི་ཐུབ་པས། །
1-4-2a

དེ་བས་མང་བ་མི་བསྐྱང་ངེ་། །གལ་ཏེ་བསྐྱངས་ཀྱང་མི་འཁྱོངས་ཏེ། །ཚོགས་པ་བརྒྱ་ལ་གྲུབ་ཐོབ་ཅིག །ནམ་ཡང་རྙེད་པ་མ་ཡིན་ནོ། །དུས་ཀྱི་མཐས་ཀྱང་ཤིན་དུ་(ཏུ་)
དཀའ། །གལ་ཏེ་འཁོར་མང་སྤྲོས་དགའ་བ། །དེའི་མཐའ་ནི་མི་བཙུན་ཏེ། །ཅི་ཕྱིར་ཉོན་མོངས་རང་དུས་དེར། །སེང་གེའི་ཁོག་པ་ནང་སྙིང་ཏེ(སྟེ)། །ཐ་མ་བདུད་ཀྱི་སྤྱོད་ཡུལ་འགྱུར། །དེ་ཕྱིར་སྣོད་
ལྡན་འགའ་རེ་བསྐྱངས། །འོན་ཀྱང་དུས་ཀྱི་མཐར་སོང་བས། །ཀུན་ཀྱང་དམ་ཚིག་སྡོམ་མི་གནས། །དུག་ལྔ་རགས་པས་རྣམ་རྟོག་རགས། །རྣམ་རྟོག་རགས་པས་བཀའ་རྣམས་དཀྲུག །སྣོད་
དང་སྐལ་ལྡན་འགའ་ཡོད་ཀྱང་། །མན་ངག་ཚད་མ་ནུབ་པའི་ཚེ། །ཐུགས་རྒྱུད་འདི་ཡིས་མན་ངག་འཛིན། །དེ་ཕྱིར་ལོ་ཙྪ་ཁྱོད་ཀྱིས་ཀྱང་། །ད་ལྟ་སྤེལ་བར་མ་བྱེད་པར། །གཏེར་ཁ་གསུམ་དུ་
ཕྱག་རྒྱས་ཐོབ། །དབང་ནི་རྒྱུད་པ་ལ་ལུང་སྟོན། །ཐུགས་རྒྱུད་བྱིན་བརླབས་ཕྱི་ཕྱིར་འབྱུང་། །ཅེས་(ཞེས་)གསུང་གདམས་ལུང་རྗེས་གནང་ཐོབ། །མར་ཆུང་དགའ་ཆེས་མ་བཟོད་ནས། །ལྷ་བྲོ་བརྡུང་
ཞིང་བོད་དུ་མཆིས། །ཐུགས་རྒྱུད་རྒྱ་དཔེའི་ཤོག་རིལ་རྣམས། །གྲོ་བོ་ལུང་དུ་དཀར་ཆག་བསྒྱུར། །སྙིང་འདྲའི་བུ་མཆོག་མགོ་ཡགས་ཀྱིས། །ཐུགས་རྒྱུད་དཔེ་ཚར་ལྔ་བྲིས་ཏེ། །གཏེར་ཁ་ལྔ་རུ་
1-4-2b

གཏམས་ཏེ་བཞག །ཐུགས་རྒྱུད་གདམས་སྐོར་བཅོ་ལྔ་འདི། །གཏེར་ཁ་གསུམ་དུ་ཡང་གབ་སྟེ། །འདི་ནི་སྲས་མཁར་ནང་དུ་གཏམས། །ཀུན་ལས་ཁྱད་པར་འདི་ཆེ་བས། །སྙིང་གི་བུ་དང་འདི་
འཕྲད་ཚེ། །ཚོགས་འཁོར་བརྒྱ་དང་རྩ་བརྒྱད་གཏང་། །ངའི་བུ་སློབ་མེས་རྔོག་སོགས། །དབང་ཆུ་མ་ཆད་གྲུབ་ཐོབ་ལ། །དགྱེས་རྡོར་བདེ་མཆོག་དབང་བཀའ་དང་། །ཕག་མོའི་བྱིན་རླབས་ཐོབ་པར་
བྱ། །དེ་ནས་ལོ་དང་ཟླ་དྲུག་ཏུ། །རང་གི་རྒྱུད་ལ་ཉམས་སུ་བླང་། །དེ་ནས་ལས་ཅན་སྐྱོང་བའི་ཚེ། །མོས་གུས་སྙིང་རྗེ་བརྩོན་འགྲུས་ཅན། །མི་ཕྱེད་དད་ཐོབ་གཅིག་གཉིས་བརྟེན། །བདག་ལ་འདོད་
བློ་མི་བདོག་ཀྱང་། །སློབ་མའི་སྣོད་ནི་བརྟག་པའི་ཕྱིར། །སྤོང་ཐག་ཞབས་ཐོག་ཅི་ནུས་བརྟག །ལོ་གསུམ་བྲན་དུ་བཀོལ་ཞིང་བརྟག །དཀའ་བའི་ལས་ལ་བསྐུལ་ཞིང་བརྟག །མ་ཁྲོལ་དད་པ་ཐོབ་
འདུག་ན། །བརྒྱ་རྩའི་ཚོགས་ཀྱིས་རྩ་གསུམ་མཆོད། །དབང་རྫོགས་བསྐུར་ཞིང་བསྐྱེད་རིམས་དབོག །དེ་ནས་རིམས་ཀྱིས་མན་ངག་གཏད། །མཐར་ནི་བཀའ་རྒྱ་མནའ་རྒྱས་བཏབ། །ཐུགས་
རྒྱུད་གདམས་སྐོར་བཅོ་ལྔ་འདི། །སངས་རྒྱས་རྣམས་ཀྱི་ཐུགས་ཀྱི་བཅུད། །མཁའ་འགྲོ་རྣམས་ཀྱི་སྙིང་གི་ཁྲག །རྣལ་འབྱོར་རྣམས་ཀྱི་སྲོག་རྙིང་(སྙིང་)ཡིན། །མི་སྤེལ་སྙིང་གི་དཀྱིལ་དུ་བཅས། །སྲས་
1-4-3a

མཁར་ནང་དུ་ཨ་དམ་རྒྱ། །ཨེ་མ་ངོ་མཚར་སྙིང་གི་གཏེར། །ལྟ་བའི་མཐར་ཐུག་ཕྱག་རྒྱ་ཆེ། །ནམ་མཁའ་རྡོ་རྗེའི་ཤོལ་རིལ་གཅིག །རྒྱལ་པོ་ཡིན་ནོ་ཡིད་ལ་བརྣག །བདེ་+མཆོག་+
མཆོག་འཁོར་ལོ་དཔལ་གྱི་དཔལ། །འཇིགས་མེད་རྡོ་རྗེའི་ཤོག་རིལ་གཅིག །བསྐྱེད་རིམས་བསྡུས་པ་ཟབ་ཡང་དག །དགྱེས་མཛད་རྡོ་རྗེའི་ཤོག་རིལ་ཅིག །མཁའ་འགྲོ་ཀུན་གྱི་གཙོ་མོ་སྟེ། །རྡོ་རྗེ་
ཕག་མོའི་ཤོག་རིལ་གཅིག །གཏུམ་མོ་ནས་ནི་གྲོང་འཇུག་བར། །སྙིང་པོ་ཆོས་དྲུག་ཤོག་རིལ་བརྒྱད། །བཀའ་ཡི་བསྲུངས་(སྲུང་)མ་རྣལ་འབྱོར་མ། །དུད་སོལ་ལྷ་མོའི་ཤོག་རིལ་གཅིག །ཁོལ་པོ་
དར་ཐོད་ཅན་ལ་གཅིག །དེ་ལྟར་རྒྱ་དཔེའི་ཤོག་རིལ་ནི། །བཅོ་ལྔ་དག་ལ་ཐོད་སྐད་དུ། །བསྒྱུར་ཏེ་དཀར་ཆག་སིལ་བུར་བཀོད། །བཀའ་མི་འཆུག་པའི་ཚད་མར་བཞག །བཀའ་རྟགས་ཕྱག་རྒྱ་
ཡིད་ཆེས་བརྟེན། །དཔལ་ཆེན་ན་རོའི་ཕྱག་རྗེས་དང་། །མ་གཅིག་རྗེ་བཙུན་མི་རུས་ཀྱི། །བརྒྱན་ཅན་མའི་ཁབས་རྗེས་དང་། །རྗེ་བཙུན་རོལ་པའི་འཐེབ་རྗེས་གསུམ། །མར་ཆུང་སྲིན་ལག་
གཡེན་ཁྲག་ཕྱུང་། །རྗེས་གསུམ་བཀོད་པ་རྟེན་གྱི་མཆོག །དམ་ཆོས་མཛོད་འཛིན་སྐལ་བར་ལྡན། །བློ་གྲོས་བདག་བརྒྱུད་བླ་མ་ཡི། །བཀའ་བབས་ཐོབ་པའི་བུ་མཆོག་དང་། །གཏེར་འདི་
1-4-3b

འཕྲད་ནས་སྤྱོད་པར་ཤོག །མི་རབས་ལྔ་ནས་དཔལ་འབར་ཤོག །ཤིན་དུ་(ཏུ་)གསང་གསང་གསང་། རབ་ཏུ་སྡོམས་སྡོམས་སྡོམས། བརྩོན་པས་སྒྲུབས་སྒྲུབས་སྒྲུབས། བུ་མཆོག་བརྟེན་
བརྟེན་བརྟེན། གཅིག་ལ་མི་བཏུབ་བོ། །གཉིས་ལ་མི་སྤེལ་ལོ། །ལས་འཕྲོ་ཅན་ལ་མ་ངེས་སོ། །གསེར་གྱི་མཎྜལ་སུམ་རྩེག་གི་བཀའ་རྒྱ་དགྲོལ། རྒྱ་བླ་མའི་བཀའ་རྒྱ། རྒྱ་ཌ་ཀིའི་སྙན་རྒྱ། རྒྱ་
བཀའ་བསྲུངས་(སྲུང་)གི་མཐུ་རྒྱ། རྒྱ་མན་ངག་གི་ཟབ་རྒྱའོ། །ཆོས་དབང་བདག་གིས་སྲས་མཁར་ནང་ནས་རྙེད་གྷུཧྱ།། །།


目录
ཆོས་དྲུག་སྲས་མཁར་མ།